O sábado entran en acción Jonny e Rubén coa Sub-21, que inicia o Europeo medíndose a Macedonia desde as 20.45
14 jun 2017 . Actualizado ás 05:00 h.Marcelo Díaz foi titular con Chile e xogou 54 minutos en Romanía, mentres John Guidetti gozou de case 70 minutos con Suecia en Noruega . Os dous célticos tiveron a súa conta de protagonismo nos dous amigables do martes, mentres que Tucu Hernández viu o partido da Vermella suramericana desde a bancada ao non entrar na convocatoria.
Romanía aproveitouse da expulsión de Medel para remontar un 0-2 e rematar gañando por 3-2. Marcelo, que se retirou no minuto 54 coa súa selección por diante no marcador, foi un dos nomes propios da selección de Pizzi durante o primeiro tempo ao non fallar nin un só pase segundo a estatística oficial. Antes da hora de partido foi relevado por Francisco Silva.
O mediocentro apunta a fixo no once para o duelo de Chile en Cópaa Confederacións. Será o domingo desde as oito da tarde medíndose a Camerún no partido inaugural da fase de grupos. Máis difícil parece telo Pedro Pablo Hernández, con menos peso específico que no Celta .
Guidetti, pola súa banda, foise sen marcar na contenda ante Noruega (1-1). O dianteiro celeste xogou 69 minutos e deixou o seu lugar a Armenteros, un nacionalizado cubano. Guidetti está desde hoxe dun modo oficial de vacacións e falta por saber cando se debe incorporar á disciplina do Celta se non hai movementos previos.
Por outra banda o sábado entran en acción Jonny e Rubén coa Sub-21, que inicia o Europeo medíndose a Macedonia desde as 20.45 horas.