É o segundo compromiso de pretemporada que transcendeu tras o triangular de Ferrol
09 jun 2017 . Actualizado ás 16:40 h.Aos poucos comezan a perfirlarse máis detalles da pretemporada celeste. Miñambres falara na presentación dun partido antes de partir cara a Inglaterra que disputarían en Galicia -o triuangular con Racing de Ferrol e Sporting de Xixón na Malata o 22 de xullo- e de tres compromisos no stage inglés. Un deles será fronte ao Burnley.
O propio club inglés foi o encargado de facer o anuncio a través da súa conta oficial en Twitter, revelando que a cita será o 1 de agosto ás 19.45 horas. Dáse a circunstancia de que Celta e Burnley xa se enfrontaron no verán do 2014, con Berizzo como recentemente chegado ao banco celeste. Naquel compromiso, o resultado fora de empate a doses con goles de Nolito e Álex López. Naquela ocasión era o terceiro encontro de pretemporada dos celestes.
Nesta ocasión o equipo ten previsto permanecer en Inglaterra entre os días 26 de xullo e 5 de agosto, en principio con tres amigables previstos, polo que quedarían por coñecerse dous máis. Antes, o 22 do próximo mes, os celestes visitarán A Malata para participar no I Memorial Isidro Silveira.