Os billetes para a volta da semifinal de Old Trafford esgotáronse este mediodía
27 abr 2017 . Actualizado ás 19:49 h.Unhas 24 horas duraron as entradas para Old Trafford nos despachos de billetes de Balaídos. Tras as longas colas da xornada de onte -con espera de varias horas para todos os que lograron facer as súas reservas- hoxe non foi necesario apenas agardar. Pero xa sen grandes colas, as 200 que quedaban dispoñibles para hoxe das 1.600 que facilitou o Manchester para o partido de volta das semifinais continentais tamén voaron.
Non queda xa ningunha localidade á espera de que se resolva o conflito entre ambos os clubs. O Celta reclama ao United todas as entradas ás que ten dereito segundo a normativa da UEFA, máis de 3.000. Con todo, o rival asegura que xa vendeu esas entradas e que lle é imposible pólas a disposición dun club vigués que está disposto a presentar unha reclamación se non se reconduce a situación.