O Infantil B, que xa é campión, sufriu a súa primeira derrota do curso
24 abr 2017 . Actualizado ás 11:09 h.Só cinco dos equipos da canteira tiveron competición doméstica esta fin de semana. O Alevín A xogará hoxe, mentres que dos restantes, só tropezou o Infantil B, que xa se proclamou campión de Liga semanas atrás. O Alevín B e os dous benxamíns continúan o seu pleno de vitorias particular.
Infantís
Un Infantil B cargado de xogadores non habituais -tamén competían en Dubai, onde se impuxeron- e que xa se proclamou campión de Liga semanas atrás caeu na Madroa por 1-5 ante o Erizana. Iker Méndez marcou o único gol dos celestes, o da honra no momento no que o marcador reflectía un 0-5. Era o último compromiso dun campionato que pechan con 32 vitorias, un empate e esta última derrota que lles priva de rematar invictos. Marcaron 246 goles e recibido só 21 nas 34 xornadas.
Celta Infantil B. 1ª posición, 97 puntos en 34 xornadas (32V, 1D, 1E). CAMPIÓN DE LIGA.
Alevíns
O Alevín B mantén o seu pleno de vitorias na segunda fase do campionato tras golear 2-9 ao Santa Mariña. Marcaron Mateo Gutiérrez (2), Manuel de la Fuente (2), Óscr Marcos, Pedro Ramos, Iker Rodríguez e Iván Úbeda. A falta de catro xornadas, manteñen a vantaxe de tres puntos sobre o segundo clasificado, o Areosa, que ten un partido máis. Manteñen o seu pleno de vitoria con dez de dez e 99 goles a favor nesa decena de partidos por catro recibidos.
Celta Alevín B. 1ª posición, 30 puntos en 10 xornadas (10V, 0D, 0E).
Benxamíns
O Benxamín A, outro dos equipos que xa son campións de Liga , sumou o seu triunfo número 28 noutras tantas xornadas. Chegou fronte ao Atlántida de Matamá por 0-10 con goles de Jorge Grajales, Andrés Antañón (3), Adrián Rodríguez, Anxo Davila (2), Fernando Fernández e Álvaro Álvarez (2). A falta de dous partidos para acabar a competición, sacan doce puntos ao segundo, o Cristo da Victoria . Chegan 245 goles a favor e dez en contra.
Celta Benjamín A. 1ª posición, 84 puntos en 28 xornadas (28V, 0D, 0E). CAMPIÓN DE LIGA.
Para rematar, o Benjamín B impúxose por 2-5 ao Cristo da Victoria -segundo clasificado por detrás deles- con goles de Óscar Vázquez, Leandro Alonso, Diego García, Bruno Romero e Maximilian García. Conseguen así unha vantaxe de tres puntos sobre o seu máis inmediato perseguidor cando quedan catro xornadas por disputarse. Manteñen o seu pleno de vitorias con dez sobre dez.
Celta Benjamín B. 1ª posición, 30 puntos en 10 xornadas (10V, 0D, 0E).