Un motorista de 37 anos, sen carné nin seguro, morre ao estrelarse na autoestrada AP-9
GALICIA
o home perdeu o control do vehículo e non puido evitar que este se dirixise cara á marxe esquerda da calzada, chocando contra a mediana
22 may 2017 . Actualizado ás 05:00 h.Os axentes das dúas patrullas da Garda Civil de Tráfico de Pontevedra que onte á noite acudiron a un accidente no que morreu un motorista, no quilómetro 95.500 da AP-9, no termo municipal de Valga , non se explicaban que facía o home, de 37 anos, pilotando a moto cando, polo que puideron pescudar, nin posuía carné para conducila nin o vehículo estaba asegurado.
Fuentes oficiais explican que o accidente mortal tivo lugar cara ás 21 horas, cando a vítima, o veciño de Brión J. M. Z. R., circulaba en dirección a Santiago aos mandos dunha motocicleta Honda . Nun momento dado, o home perdeu o control do vehículo e non puido evitar que este se dirixise cara á marxe esquerda da calzada, chocando contra a mediana da autoestrada.
Os servizos de urxencia pouco máis puideron facer que comprobar que o condutor da motocicleta falecera. Por unha cruel casualidade, a súa muller, ao parecer, viaxaba nun automóbil que circulaba tras el no momento do choque.