Imaxe:

A Audiencia lucense arquiva o caso das botellas de viño regaladas por Monbus

Recorda que tanto o Supremo como o TSXG acordaron o sobresemento e arquivo das actuacións que afectaban, polo mesmo motivo, a persoas aforadas


lugo / a voz santiago / a voz

A Audiencia Provincial de Lugo, seguindo as resolucións xa adoptadas polo Supremo e o Superior de Galicia, ordena o sobresemento libre e o arquivo das dilixencias na investigación que seguía o Xulgado de Instrución número uno de Lugo, do que é titular Pilar de Lara, polas botellas de viño regaladas por Monbus a distintos responsables de organismos e institucións non aforados. A Audiencia resolve deste xeito o recurso do fiscal fronte á desestimación do que presentou ante o citado xulgado lucense na mesma liña.

A Audiencia recorda que tanto o Tribunal Supremo como o Superior de Galicia acordaron o sobresemento e arquivo das actuacións que afectaban, polo mesmo motivo, a persoas aforadas, como eran o eurodeputado José Blanco e o portavoz do PP no Senado, José Manuel Barreiro, e o propio presidente da Xunta, Alberto Núñez Feijoo. Así as cousas, a Audiencia, ao non atopar infracción algunha, decide o sobresemento e arquivo das actuacións, tal como tamén solicitaba o fiscal en senllos informes datados en novembro de 2016.

O Supremo considerou no seu momento que se trataba «de agasallos do Nadal (botellas de viño) que responden a actos de cortesía e non comprometeron a imparcialidade dos aforados no exercicio das funcións públicas».

Votación
3 votos
Etiquetas
Tribunal Supremo Lugo cidade Xunta de Galicia Monbus Audiencia Provincial de Lugo Audiencia Provincial José Manuel Barreiro Alberto Núñez Feijoo PP Pilar de Lara Cifuentes José Blanco
Comentarios