Coruxo, Ponferradina e Fabril son os tres primeiros rivais do Racing nunha liga que acabará ante o Real Madrid Castela en casa e viaxando a Majadahonda
27 jul 2017 . Actualizado ás 05:00 h.Finalmente, na Federación Española de Fútbol procedeuse ao sorteo do calendario dos catro grupos da Segunda B. O Racing iniciará a liga o día 20 de agosto no seu campo da Malata, onde se enfrontará ao Coruxo. O primeiro partido fóra será contra a Ponferradina, que parte como un rival directo dos ferroláns na loita polos postos de play off de ascenso. A continuación, será o Fabril o que visite o campo da Malata e tocará un longo desprazamento a Talavera de la Reina.
Un comezo de liga esixente, no que a clave será empezar con forza e que non aparezan as dúbidas da pasada tempada.
Hai moitos partidos de rivalidade autonómica, xa que hai sete equipos galegos entre os 20 clubs do grupo primeiro.
O último partido de liga en casa será fronte ao Real Madrid Castela, aínda que a competición finalizará para o Racing desprazándose a casa do Raio Majadahonda madrileño.