O beneficio de Gas Natural Fenosa cae un 9,4 %, ata 298 millóns, pola intervención de Electricaribe

Gas Natural Fenosa obtivo un beneficio neto de 298 millóns durante o primeiro trimestre, que supón unha caída do 9,4 % con respecto ao mesmo período do exercicio anterior. As contas da eléctrica sofren así as consecuencias da intervención da súa filial colombiana, Electricaribe, por parte do Goberno de Santos. Se non se consolidasen eses resultados, as ganancias da compaña descendesen un 8,3 %.

Mentres, a cifra de negocios do grupo enerxético creceu un 8,3 % ata os 6.450 millóns. O resultado bruto de explotación (ebitda) caeu un 9,2 %, ata os 1.104 millóns, debido ao mal comportamento do negocio de electricidade en España. Concretamente, o mercado de distribución de gas achegou o 37,3 % do ebitda; a distribución de electricidade, un 24,5 %; a actividade de gas, un 21 %; e a eléctrica, un 17,8 %. Pola súa banda, o ebitda das actividades internacionais creceu un 3,6 % e representou un 50,1 % do total.

O conselleiro delegado da empresa, Rafael Villaseca, avanzou que agardan «unha fortísima competencia e a aparición de moitas compañas inéditas no sector» na poxa de renovables do próximo mércores, á que acudirá a eléctrica.

---

---

---