Detidos dous silledenses por agredir e ameazar a axentes da Policía Local de Ourense

A Policía Local de Ourense detivo onte de madrugada a dous veciños de Silleda por agresión, ameazas e resistencia aos axentes, ademais de dar positivo no control de alcoholemia. Os silledenses viaxaban nun Audi A3 pola estrada de Vigo cando unha patrulla se decatou da súa condución anómala e sen gardar a distancia de seguridade. O vehículo ía detrás do conducido pola Policía Local e cando se aparta para investigar os motivos o Audi A3 eludiu aos axentes, accedendo a outra vía polo sentido contrario á marcha e procedeuse á súa intercepción.

Ao parar ao vehículo onde viaxaban senllos homes de 61 e 33 anos de Silleda os axentes decatáronse de que ambos presentaban síntomas de embriaguez. Por iso pediron ao condutor, o home de 61 anos, que realizase a proba de alcoholemia. A primeira realizada deu un resultado positivo, superando en máis de tres veces a taxa permitida. Pero antes de efectuar a segunda o condutor empezou a insultar e ameazar aos policías ourensáns, ademais de agredir a fartar a dous deles.

Ante esa agresión procedeuse á súa detención, resistíndose o condutor mentres o seu acompañante tamén insultaba aos axentes e mesmo agredía a un deles a fartar. Por iso tamén se lle detivo, pasando as dilixencias ao Xulgado de Ourense.

---

---

---