Mon Devane plasma a súa visión da emigración nun restaurante local

ó. m.

DEZA

El ourensano mientras realizaba el mural en el restaurante de Loimil.
O ourensán mentres realizaba o mural no restaurante de Loimil.

O macromural do artista ourensán atópase no restaurante O Emigrante de Loimil

24 jul 2015 . Actualizado ás 05:00 h.

O restaurante O Emigrante, situado na parroquia estradense de Loimil, contou esta semana coa presenza do artista plástico ourensán Mon Devane, quen creou un mural nas paredes interiores do establecemento hostaleiro. Nel, o ilustrador plasmou unha escena da época da emigración, en honra ao nome do propio restaurante.

Mon Devane, quen estudou Ilustración e Deseño Gráfico en Ourense, asegura que foi o propio propietario do local quen se puxo en contacto con el para crear o mural, sendo esta «a primeira vez que fago unha obra nesta zona». Aínda que o artista plástico afirma que realiza «a maior parte do meu traballo na provincia de Ourense», tamén fai encargos por toda Galicia, citando lugares como A Coruña, Caldas de Reis, Cangas ou Santiago. Entre os concellos ourensáns nos que traballou están Verín ou Ribadavia; precisamente neste último municipio ten en mans un encargo nun dos seus colexios, entre outros proxectos aínda pendentes de pechar. Devane di, así mesmo, que polo xeral «a xente é bastante receptiva co meu traballo, porque ven que é algo currado».