Seleccionará a catro novos pilotos de Galicia que terán a oportunidade de participar noutros tantos ralis do calendario autonómico de asfalto
28 jun 2017 . Actualizado ás 05:00 h.Breogán Motor pon a directa na promoción dos mozos pilotos de ralis galegos. O concesionario oficial de Toyota xa puxo en marcha a terceira edición da súa Toyota Breogán Rali Selección mediante a que catro novos pilotos de Galicia terán a oportunidade de participar noutros tantos ralis do calendario autonómico de asfalto.
Os elixidos poranse ao volante de Toyota Yaris, preparado por AR Vidal Racing, no Ribeira Sacra, San Froilán e A Ulloa deste ano e o rali da Coruña do próximo ano.
O prazo de inscrición (información en www.facebook.com/ToyotaBreoganRallySeleccion e breoganrally\
Antonio Solórzano, director de PTC, explica que a intención do proxecto é ir máis aló dos premios establecidos. «Independentemente de que a maioría poida buscar só os premios, nós intentamos que os asistentes poidan adquirir algún coñecemento que lles vallan para mellorar a súa seguridade no día a día, impartíndolles antes de empezar coas cronometradas un mini curso».
Solórzano tamén destaca o compoñente de promoción do deporte que desenvolve Toyota Breogán Rali Selección. «Tratamos de que os que veñen pelexar por unha praza na final teñan unha boa base para competir. O obxectivo prioritario é sacar adiante a xente neste deporte. De feito algúns dos que gañaron en edicións anteriores, están a competir actualmente e seguramente non o fixeron se non probasen sorte nesta selección», conclúe o piloto.