Liga de Campións: Real Madrid e Atlético enfrontaranse en semifinais

Os cruces de ida disputaranse o 2 e o 3 de maio, e os de volta os días 9 e 10

.

21/04/2017 13:31 h

Derbi español nas semifinais da Liga de Campións. Real Madrid e Atlético enfrontaranse, segundo o sorteo celebrado este mediodía en Nyon (Suíza). O outro partido disputarano o Mónaco e a Juventus de Turín. Os semifinalistas buscarán o pase á final nuns cruces que se disputarán o 2 e o 3 de maio (ida) e o 9 e 10 de maio (volta).

A final da Liga de Campións disputarase o 3 de xuño no Estadio Nacional de Gales, en Cardiff .

A Juventus de Turín italiana, verdugo do Barcelona nos cuartos de final, plántase na eliminatoria cunha defensa que tan só encaixou dous goles. Líder da Serie A, a Vecchia Signora preséntase como unha verdadeira ameaza para o seu rival.

O Mónaco, a gran revelación desta edición da Champions, pelexará polo título cun equipo infestado de mocidade, representada na xoia Kylian Mbappé. Fai trece anos eliminou ao Real Madrid en cuartos.

Votacin
0 votos
Comentarios