O de Linares ofrecerá esta tarde un recital no que presentará o seu novo disco e repasará os seus grandes clásicos
29 abr 2017 . Actualizado ás 05:00 h.Hoxe • 20.30 horas • Palacio da Ópera • Vén de colgar o cartel de non hai entradas en Vigo, e todo parece indicar que fará o propio esta noite no Palacio da Ópera, xa que só quedan localidades para as zonas B (60 euros) e C1 (55). Raphael volve triunfar, incluso arriscándose cun traballo como Infinitos bailes, o seu último disco, no que mostra o seu lado máis roquero con temas compostos por Iván Ferreiro, Mikel Izal ou Dani Martín, nos que contou coa colaboración de Bunbury ou Rozalén, entre outros.
O de Linares conseguiu o que moi poucos artistas logran: romper a barreira xeracional que adoita imperar na música e pór de acordo a pais, fillos e avós á hora de aclamar ao cantante.
Unha honra gañada a base de táboas e dedicación, do que o mérito é exclusivamente seu. Non en balde, nesta xira, Raphael está a ofrecer concertos nos que supera as corenta cancións, o que dá para presentar o seu novo disco e recrearse nos seus clásicos de sempre. Algo que non está ao alcance de calquera.