Unha traballadora de Inditex resultou ferida leve nun choque múltiple en Sabón

Unha muller, que acudía ao seu posto de traballo nas instalacións de Inditex, resultou ferida leve despois dunha colisión entre tres vehículos no polígono de Sabón (Arteixo). Os feitos ocorreron ás 8.30 horas desta mañá e provocaron leves retencións no parque industrial.

Segundo fontes consultadas, o intenso sol do amencer puxo ser a causa de que unha furgoneta chocase contra un vehículo, que á súa vez impactou contra outro automóbil. Foi un dos implicados quen alertou ao 112 Galicia, que deu aviso a Urxencias Médicas, Garda Civil de Tráfico, Protección Civil e Bombeiros de Arteixo. Os feitos producíronse na avenida da Deputación. A muller ferida, con lesións cervicais, foi atendida no mesmo lugar do sinistro.

---

---

---