Hoxe e mañá • Sede de Afundación (Cantón Grande, 4) • Entrada libre • A sede de Afundación acolle hoxe e mañá o primeiro cume de expertos de CorBI Foundation que, baixo o título CorBI Data Summit 2017, pretende abrir un furo de discusión sobre a aplicación do Big Data á neurociencia e ao cambio social. Na cita participan destacados profesionais de ámbito internacional que intentarán buscar tamén estratexias para sacar o máximo proveito aos grandes conxuntos de datos que se xeran nas áreas experimental, clínica e Ciencias Sociais.
Así, a partir das 19.30 horas, Richard Bonneau, investigador en Simons Foundation (Nova York), ofrece no auditorio de Afundación unha conferencia divulgativa, aberta ao público en xeral, sobre as dinámicas de redes, tanto sociais como moleculares. Xa mañá, ás 13.30 horas, o matemático, fundador de CorBI Foundation e coordinador do Summit, Manuel de León, ofrecerá un avance das conclusións deste primeiro cume científico.