Hoxe asinarase un convenio de financiamento coa Deputación
27 jul 2017 . Actualizado ás 05:00 h.O Concello de Carballo asinará hoxe un convenio de financiamento da Unidade Asistencial de Drogodependencia. O alcalde, Evencio Ferrero, reunirase ás 10.30 horas coa deputada provincial de Benestar Social, Educación e Política de Igualdade, Ánxela Franco, para formalizar o acordo de financiamento. Máis tarde, ás once da mañá, visitarán a Unidade de Drogodependencia para coñecer de primeira man as actuacións que se desenvolven nas instalacións do centro carballés. Ás 11.45, para rematar, achegaranse ata o centro especial de emprego de Aspaber.