A solicitude apoiábase nas valosas laudas
13 feb 2016 . Actualizado ás 05:00 h.Era unha aventura difícil, tanto que só chegou a dar os primeiros pasos, pero en Noia orixinouse no pasado un movemento que pretendía obter a declaración de Patrimonio da Humanidade. Foi o Grupo Filatélico e Numismático local o que, tal día como hoxe do 2001, lanzou a bomba. O seu presidente xa se entrevistou co entón alcalde, Rafael García, para proporlle a iniciativa e agardaba manter un encontro co presidente da Xunta da época, Manuel Fraga. O colectivo fundamentaba esta petición na importancia da igrexa de Santa María A Nova e a súa colección de laudas gremiais, única en Europa.
A noticia foi acollida con escepticismo entre políticos e veciños, que vían complicada a aventura. O Grupo Filatélico non chegou a reunirse con Fraga, pero si con entón conselleiro de Cultura, Pérez Varela, pero a súa reivindicación non callou.