A comarca de Pontevedra rexistrou nos tres primeiros meses do ano un 16 % máis de accidentes laborais que no mesmo período do ano pasado. Así, se no trimestre inaugural do 2014 producíronse 292 sinistros, no 2015 a cifra hase incrementado ata os 348, aínda que na súa inmensa maioría non tiveron consecuencias graves. A tendencia é moi similar á que reflicten as estatísticas de Arousa, onde a subida foi do 13 %, quedando constancia de 223 accidentes desde xaneiro ata marzo deste ano: nos do anterior non chegaron a 200 (193).
A capital da provincia foi a que concentrou a maior parte dos incidentes, aínda que foi dos poucos municipios nos que se notou un maior descenso -de 160 a 147-. A continuación, por número de accidentes atópase Vilagarcía, onde tamén se reduciron -de 77 a 54-. Marín, o terceiro concello da lista, nada ao contraxeito cun incremento de sinistros que vai dos 37 do 2014 aos 64 do 2015. Séguenlles Poio -de 41 a 51-; Cambados -de 34 a 29- Vilanova e Valga -de 34 e 9, respectivamente, a 24-; O Grove -de 14 a 22, pero acapara as únicas dúas vítimas mortais, masculinas-; Sanxenxo e Bueu -de 5 e 17, a 19-; Caldas -de 10 a 15-; Ribadumia e Meaño -de 10 e 6 a 10-; Moraña e Pontecesures -de 3 e 0 a 9-; Ponte Caldelas -de 5 a 7-; A Lama, A Illa e Catoira -de 2, 20 e 6, respectivamente a 6-; Barro e Portas -de 2 e 4 a 3-; Cerdedo -2, sen variación- e Cotobade -de 3 a 1-. Do total, 8 foron graves (5 homes) e 563 leves (194 mulleres).